បន្ទាយមានជ័យ ៖ បន្ទាប់ពីទទួលបានព័ត៌មានអំពីការរត់គេច ខ្លួនរបស់បុរសម្នាក់ ជនជាតិនីហ្សេរីយ៉ា មានជំងឺអ៊ុតស្វា ដំបូងគេនៅប្រទេសថៃ ភ្លាមៗអាជ្ញាធរខេត្តស្រះកែវ ប្រទេសថៃ បានស្នេីសុំកិច្ចសហការពីអាជ្ញាធរខេត្តបន្ទាយមានជ័យ ដេីម្បីស្វែងរក ជនបរទេស ខាងលេី។

ក្នុងនោះនៅថ្ងៃទី២៣ ខែកក្កដា ឆ្នាំ ២០២២នេះ លោក អ៊ុ រាត្រី អភិបាលខេត្តបន្ទាយមានជ័យ បានចេញបទបញ្ជាដល់គ្រប់កងកម្លាំង សមត្ថកិច្ចពាក់ព័ន្ធទាំងអស់ អាជ្ញាធរគ្រប់ក្រុង-ស្រុក ឃុំ-សង្កាត់ ពិសេសតាមបន្ទាត់ព្រំដែន ត្រូវស្រាវជ្រាវឱ្យបានម៉ត់ចត់ នូវអត្តសញ្ញាណជនបរទេស រូបនេះ ដែល មានជំងឺអ៊ុតស្វា ដំបូងគេនៅប្រទេសថៃ ហេីយបានរត់គេចពីប្រទេសថៃ ដេីម្បីឆ្លងដែនមកកម្ពុជា គេចវេសពីការព្យាបាល៕